يا لايم لا تلوم النفس خلها
وعساها تموت عكب فراك خلها
لازم ايدي الطبيب وكلت خلها
الالم داخل مهجتي وشلون بيه
>>>><<<<
زرعت الهيل بارض الشام ورد
وسكيته من دموع العين ورد
حسافة على الحبيب الي راح وما رد
لابد يعود ونكعد احنا سوية
>>>><<<<
روى الزيتون من دمعي والراك
ولغيرك ما نحل جسمي ولا راك
اخاف اتطول غيبتنا ولا اراك
الوصل شيفيد من تدنى المنية
****************************
وحق حضن الحضني وجان مهدي
حبي لغير شخصك ابد مهدي
لو شرطة وحراسة وجيش مهدي
جذب والله يبعدونك علية
***********************
لاويت الوكت بس ما لواني@
ولا غير من اوصافي ولواني@
ماهمك رحيلي بس لواني@
جان اتخبلت ميه بالميه
************************
اساس انه يدنيه وبيه ربعي@
جفوني وما لفو بالشده ربعي@
انه الكامل جنت شو صفه ربعي@
وثلثترباع راحن بس اذيه
***************************
تعال ومر عليه وردشوفك@
انه عطشان ميت وردشوفك@
تره انه منشوفك وردشوفك@
وعطرها يفوح كل ساعه عليه
*****************************
مو مثل البتوت الروح بتها@
دشوف شكد بديها يلوك بتها@
احب الشايله عالمتن بتها@
تروح الروح من اتمر عليه
***************************
جنت شمعة بطريق الراح والجاي
مثل عود البخور الوكت وجاي
الك افدي عمري الراح والجاي
عزيز وفركتك صعبة علية
*********************
الصديق اللي نشوفه نقي ونظيف
نود كل يوم نبدي اعليه ونضيف
على طيبه نجمل طيب ونضيف
بكثر معنى الحـروف الابجديه
********************
حبيبي الدهر بجفاكم بلانه
قدر مكتوب من الله بلانه
شلون تعيش يالغالي بلانه
واتحن لحبي ولضمة ايديه
******************
شعرمااكتب لغيرك وناظم
وتفضح دوم بسراي واناظم
الساهرماوصف حسنك وناظم
اوصفك ابيش وانتة الروح الية
******************
الك عمرين نص روحي .. ولك بر
والك نهرين نص كلبي .. ولك بر
الك يرخص ثلث عمري .. ولكبر
خصم هذا الحجي كلك الية
**********************
يانور العين مرسالك وصلنا
ودمع العين بلل كل وصلنا
امانه عليك لا تكطع وصلنا
وخلي دوم عشرتنا سويه
***********************
ابد مايرحم الطايح وكتنه..
جمعنه ورجع طشرنه وكتنه..
اصيح على الفرح اوكف وكتنه..
تركني وماسمعني ورد عليه
*********************
بعدني أوياك بالعشرة ولا زال
وحبك بالكلب ثابت ولا زال
وحكك صادك بحجيي ولا زال
اضل وياك الآخر نفس بيه ..
********************
لحوك بثوب حسنك وانسجنه
جهنم حبك ارضه وانسه جنه
انحبسنه بقفص عينك وانسجنه
وتحط رمشك كلبجات باديه
******************
يهل تنشد انا شاعر ولامي
كثير الهموم البكلبي ولامي
يتيم ولا ابو عندي ولامي
جبتهه من الزغر ضيم واذيه
*******************
مدري العيب عدك مدري عدي
مدري غلط عدك مدري عدي
مدري اوكف وطالب مدري عدي
واكولن ينصلح ويرد اليه
*********************
اتعارك لجل عينك وطك طك
وللحاسد اذب حرمل واطك طك
افرح من تراسلني واطك طك
اصبعتين من تسأل عليه
*******************
بطل حيلي اعلةخلي اليوم.. من شال
اشيل الجدم من الكاع.. منشال
اثاري الجدم من فركاه.. من شال
بجيت وضاكت الـوسعة علـيــــة
********************
بس علمني حالة ...من حلاتك
يل كلبي تولع ...من حلاتك
وسكرصار بية ....من حلاتك
من ابوسن شفتك يصعد علية
******************
نقد ادفع وابوسنك ..بلادين
واحضنك حيل ياخلي ..بلادين
على احسابك حرب علنو...بلادين
دولة كلبي وي روحي علية
****************
وكع كلبي بغرامك ما تشيله
وترى قلبي ألتعذب متشيلة
اخابر وانت تسمع ماتشيله
وينك ياحلو بس رد علية
*****************
غزل عينك رهن روحي وجرهه
وشعل نيران البكلبيوجرهه
اريد اتمسك بشفتك.وجرهه
ونقل ذنوب البيك بيه
******************
شبدينه عل النحبه ما يحبنه
مثل سمج طبعـه ما يحبنه
بارد يلتشربـــــه ماي حبنه
وشربت يلكلت مالح شويه
--------------------------
زرع ريان مــــــــــــــــن كلبي ترابه
ومثل طعـــــم العسل يا عالم ترابه
دللته يا خلك الله وعله ذراعي تربه
وجه غيري وخداه من بين اديه
----------------------------
نهرت النفــــــــــس ما تقبل نهاري
دموعي يكتن على خدودي نهاري
اكضي بالحزن بعـــــــــــدج نهاري
وباليالي لا تسئليني شيصير بيه[/align][/align][/align][/size]
المواضيع المتشابهه للموضوع: ابوذيات رائعه وانشالله تعجبكم 
ابوذيات رائعه وانشالله تعجبكم 
رد : ابوذيات رائعه وانشالله تعجبكم 
العرض العادي
