[[font=MS Sans Serif]color=0000FF]تدري وش اللي يتعب البنت يا سعود...
رجلٍ يخون أشواقها والموده
أللي إلى احتاج الغلا صار نمرود
وإلى شبع مما عطاه إسترده
البنت ريحانة غلا... ناعمة عود
تبي لها رجلٍ ورث طيب جده
رجلٍ فعوله كلها جود في جود
ما يلتفت للي كفوفه تمدهـ...!!
رجلٍ إلى جته الليالي بمنقود
يتكى لها ما بيح الوقت سده
مهوب خبلٍ ما رعى للهوى عهود
وأدناة ما عارض طريقه يرده
ولاهوب لاعلة .... ولاهوب ملهود
ولا شكوك ... و كلٍ طارئٍ يحده
ما أشين من الرجال لا جاك ببرود
وإن قال له ترف القدم شي صده
تبي لها براق طيبٍ له رعود
إن أجدبت يمطر على ريف خده
وإن نادته تكفى لقت عنده الفود
يشيل عزتها على قو زنده
كفه نفل ... وأنفاس صدره لها عود
وظلاله الضافي بيدها تمده
البنت خد ... وقد .... ونواظرٍ سود
وريحة غلاً ... يا سعد من شم نده
البنت إلى ضحكت ثمرها لك ورود
يا سعود من يقطف نواوير ورده
واللي يهين البنت ناقص ... ومقرود....
فرس غلا ... ما هي حمارة مكدهـ [/color[/font]]
المواضيع المتشابهه للموضوع: تدري وش بتعب البنت ياسعود 
تدري وش بتعب البنت ياسعود 
رد : تدري وش بتعب البنت ياسعود 
رد : تدري وش بتعب البنت ياسعود 
رد : تدري وش بتعب البنت ياسعود 
العرض العادي
