يسعد أيامكم
كل عام وأنتم بخير
وعساكم من عـــــواده قبل الزحمه
ياعيد مالي في هوا النـاس ياعيـد
جوشلون اعيّد والمشاعـر حزينـه
ياعيد يكفي ماجـرى منـك وازيـد
اني مع العيديـن عشـت الغبينـه
كل ٍ يصافح باللقـى عيـدك سعيـد
وانا يمينـي تمسـح الدمـع حينـه
الناس تضحك دونهـا مـدت الإيـد
وانا نذرت العيـد ماصفـح يمينـه
مـن يـوم ودع غالـي ٍ بالتناهيـد
وانا دموع الحـزن فينـي رهينـه
حاولت اخفّي بي دمـوع ٍ مطاريـد
لين انتثر دمعـي وغـرّق جبينـه
أخـذت قـرم ٍ دون كـل الأجاويـد
عـزاه ياعيـد الفلـس والضغينـه
من غيرك اللي بدل السعـد تنكيـد
وش فايده عيـد وملابـس ثمينـه
ياليت دون العيـد قبـر ومواريـد
ماكان عشت العيـد حـزة حنينـه
احترت بين اهلي ودموع ٍ معاويـد
وصوت الحزن بيّـح خفايـا كنينـه
اضحك واجامل كني مع ربعي سعيد
واسج في جـور الجـروح الدفينـه
يابو عمر آسف من اقريب وابعيـد
ماهيّـض الشاعـر تعمّـد يدِيـنـه
آسف غلاتي كان للحـزن تشريـد
حزني مثل شيـخ ٍ بكتـه المدينـه
يحرم علي العيد وكل لبـس ٍ جديـد
ويحرم زواج ٍ ضقت بينـي وبينـه
لاتقول لي أرجـوك فـك المواعيـد
لو طعت عقلـي ماقويـت لضنينـه
فيني تجـرد يرتجـي شقـة البيـد
يجمع شتات الحزن فـي كـل بينـه
في بسمتك جنه وفي حزنـك وقيـد
مثـل اليتيـم اللـي فقـد والدينـه
شروق شمس ودرع وسيف وبواريد
في شوفتك تشفى القلوب الحزينـه
طال الجفا ياخوي واستاحش العيـد
بآخر عتاب الحزن ومولـد جنينـه
تحياااتي
المواضيع المتشابهه للموضوع: ياعيد مالي في هوا الناس ياعيد::: 
ياعيد مالي في هوا الناس ياعيد::: 
العرض العادي
