يازيــن يـــوم انـــا وانــــتـــــي صــــغـــــار ..

[قمر الانترنت]

يازين يوم اني أنا وانتـي صغـار
توما لبست شماغ وانتـي عبايـه

بالطول ماناصل ولا خمسة اشبـار
دايـم نقيـس اطوالنـا بالمرايـه

مابيننـا شيـن نخبيـه واسـرار
ماغير لعب اطفـال كـل الحكايـه

ماهمنا موجـز ولا نشـرة اخبـار
التسليه صـارت وسيلـه وغايـه

وان جا فلم كرتون للقطو والفـار
نجلـس نتابـع قصتـه للنهـايـه

بالمدرسه نزعل على شان الاصفار
انتي سبب لعبك وانا مـن غبايـه

ياما تهاوشنا على كيـس فيشـار
انحاش به وافرح بطـردك ورايـه

وان قلتي يافلان ياويلك من النار
اخاف واستسلـم وابيـن خطايـه

والى ضربتيني تقـل بيننـا ثـار
وان قلت كافي قلتي ماهـو كفايـه

والى خلصتي ضرب بيمين ويسار
اخذتـي الفيشـار واللـي معايـه

والى زعلت وقلت ابا اروح للـدار
صحتي وقلتي اسفـه يـا غلايـه

واصدقك وافرح بعد ذيك الاعـذار
واجيك لا حاقد والا احمل وشايـه

بس لو اشوفك مع بشرغيري اغار
لو كان اخوي أو من أعز اصدقايه

واركض لخوك اقول شفها مع اكبار
عشان يفرض لي عليك الوصايـه

هـذي طفولتنـا بـراءه وتذكـار
دايم نحـن اليـا ذكرنـا البدايـه

واليوم ابا اكتبها سواليف واشعـار
وافكـر انتجهـا بفلـم وروايــه 000

قرأتهاا في كتاب .. وعدلتهاا شويه وأضفت فيهااا ..

اتمنى انهاا تعجبكم ..

تحياااتي لكم أخوووكم

قموووووووووور

[شفافه]

أنا قرأتها قبل هذا .. وهي على حقيقتها ..

ومع هذا فلآ أنكر أن قلمك أضاف عليها بصمة مميزه ,,

دمت مبدع ,, ولتفجر كل إبداعاتك هنا ..

فالسآآحه للجميع ,,

مع ارق التحااياا ShoSho

[رفيع الشان]

كلمات راسمة لملامح طفولة ماضية .
اختيار موفق ..

[ملك العشاق]

والله انك قمر من جد يسلمو تقبل مروري تحياتي


شكراااااااااااااا

[مخ إبليس]

صح الله لسانكـ ولسآن قآيلـهآ ...



يسلمـوو على الطـرح ...


تقبل مروري ...


تـ ح ـيآتـي