ابرحل عنك صدقني كرهت الحب باسبابك

[كـــ نظــر ــلك]

ابرحل عنك صدقني كرهت الحب باسبابك
ابرحل ما حنيت الراس لك يا خاين العشره
ابرحل و اهجر ديارك و خلك في هوى احبابك
ابرحل و الغلا بيني و بينك منتهي عصره
ابرحل و اترك الماضي و بمسح صفحة كتابك
ابرحل عنك و اسمعها أنا طلّقتك بعشره
تعبت اكذب الواقع و اصدّق كذبة اعجابك
لأني عاشق ٍ مخلص ملكني حبّك بسحره
تعبت اراعي شعورك و اغظ الطرف بغيابك
غشيم ٍ و احسبك وافي خدعت القلب بالنبره
رخصت الكل من شانك .. رضيت اتحمل عتابك
و لكن للأسف حبّي من افعالك ذبل زهره
تحملتك على ظلمك و قلت الوقت يصفى بك
و اشوفك تلعب بذيلك و غدرك آه وش كبره
و فوق الغدر تتمسكن و تخفي السّم بانيابك
و تظهر دمعتك تبغي تغش اللي رخص عمره
ولكن وفر دموعك تراني خابر العابك
انا ماني مثل غيري ضعيف النفس والقدره
محيت اسمك و شقّقت الرسايل و انقفل بابك
ولا عاد المشاعر يحترك من شوقها شعره
كرهت اسلوبك الماكر كرهت اناظر اهدابك
و عفتك عقب ما بانت حقيقة قلبك وغدره
مصير الوقت يثبتلك وفاي و يحرق اعصابك
و تتحسف على مافات منك وتمتلي حسره
اقول ارحل فمان الله و لاني حاسب حسابك
مدام الغدر في دمك توكل لا تجي بكره
توكل لملم شتاتك معاد الوقت يحلى بك
توكل لا تحسب أني بهل بغيبتك عبره
ابي تنسى حروف ٍ صغتها لك يوم تزهى بك
و ابي تنسى حبيب ٍ سال حبره دم في شعره
بعلّمك الوفا و اشلون لين الغمّ ينتابك
و اجرعك العذاب اشكال دامك برت بالعشره

[حمدان]

صح لسانك شكرا لك هذه الذائقه

[شفافه]

جداً رااائعه الكلماات ..

أشكر طرحك المميز ..

لآعدمناه ..

مع ارق التحااياا ShoSho

[ملك العشاق]

يسلمو كلك نظر اخوي


شكرااااااااااااا

[مخ إبليس]

صح الله لسآنكـ ..



تقبل مروري ...


تـ ح ـيآتـي ..